MANI SUM RAI GA!!!!!!!!!!!!

Ga Si Kaji Kaba galaw na

Mani sum sai rai dat ai nsam gaw  tinang a matu lit nli la ai raitim, hkap la ai wa hta ndang tsun hkra myit  pyaw ai akyu lu la nga ai. 

Mani dat ai gaw lawan let aten gadunm la ai raitim, kalang lang dai mani dat ai asam hpe prat tup n malap ga ai . 

Mani sai re ai nsam hpe ra nrawng hkra (Nmanii ra hkra) lu su nga mai ai masha nnga ai zawn, dai sumsai myiman hpe nlu hkap la na daram matsan ai masha mung nnga ai .

 Sumsai myiman a adkyu gaw dinghku kata hta ngwo pyaw simsa ai akyu hpe jaw nga ai ; bungli  lam shagu hta myiman kaba shangun ai.

 Manaw manang shada da masat dingsat mung rai nga ai . Sumsai myiman gaw hki ba ai wa hpe shamai ya ai , Myit kaja ai. Pawt sindawng ai wa hpe shagrit shanem ya lu ai .

 Dai sum sai myiman hpe mari nna, hpyi nna, hkoi nna, lagu nna, kashun nna, jahkrit nna nmai lu la nga ai. Jaw ai wa hta tsaw ra myit nrawng yang hkap la ai wa hta akyu nrawng nga ai. 

Mani sum, Pyi nrai lu hkra hki ba ai wa hta grau nna mani sumre ai wa hpe ra sharawng ai masha nnga sai. 

Dai majaw Tsawra ai Wunpawng sha ni yawng hpe mani sum rai ga ngu nna saw dat mayu n ngai  law.!!!!!!!!!!!!!!!